司徒瑞祈投資60萬開小食店　入貨煮食清潔全部自己做：愈辛苦愈好

「一份牛腩雞翼即刻整呀，打個菠蘿沙冰。拎走可？」阿水耐心的問街坊顧客的選擇。這位阿水不是別人而正是大家以前時常在TVB兒童節目上看到的司徒瑞祈。
其實司徒瑞祈幾個月前與TVB解約後，一直在計劃籌備自己的小食店，這更名為阿水廚房的小食店自已上月初開始已經開始試業，近日終於開始正式營業。阿水開心的說：「今日係禮拜三，我正式開業呢其實只係做咗三日。7月15，16開始試業，想同街坊熟啲同埋攞多啲口碑。」雖然開業只是短短一個月，但是阿水說其實已經儲到了一班熟客。

不論煮食、招呼客人、收錢，其實阿水也是親力親為。雖然辛苦，但是看得出阿水很享受當中過程：「其實做所有嘢都係辛苦。無論以前做藝人或做運動都好，每樣野都有佢嘅辛苦。我就唔怕辛苦嘅，如果唔係我以前做運動員都唔可以破到香港紀錄啦。」訪問中他表示，自己需要每天要早上6點到店內準備食材，7時開店，再營業至晚上7時，收舖之後還要花時間準備第二日的食材。雖然如此，阿水說：「辛苦冇問題嘅，越辛苦越好，因為越辛苦就代表生意好。」

說起要打理一間小食店，阿水說其實自己是第一次開小食店做老闆：「其實做食肆我真係第一次做，其實自己冇預測到要handle咁多嘢，例如食材準備，清潔方面，未試過有咁多嘢。因爲一定乾淨吖嘛。」他更說：「我覺得乜嘢都要辛苦開始，乜嘢都要由頭做起。」

現在好多藝人都會開始接觸飲食生意，例如趙勁皓開火鍋店，譚小環開魚蛋檔一樣。做藝人與做食肆的唯一的共通點大概就是辛苦兩個字。阿水說：「各有各辛苦，其實宜家充實好多。藝人嗰時。例如接咗多通告就會辛苦一排，但係宜家就會每日都好充實，例如朝頭早就要去拎麵包拎完麵包就要整雞翼。兩種嘅辛苦唔同，但係呢種嘅辛苦會充實同埋畀到自己新嘅成功感。」

「其實以前做藝人時，好鍾意做兒童節目。當做兒童節目嘅時候我不嬲都有籌備緊開小食店。」其實阿水在這個店內投放了不少心血，由店舖設計顏色到菜單名字都是他自己設計的。他說：「我覺得如果要吸眼球（eye-catching ，吸引目光），改名就要浮誇得來又得意。」例如救命茶，貼地蘿蔔糕、玉桂一口西多士就是代表作。問到店舖的投放資金，阿水說：「加埋都有五六十萬㗎。仲有自己教吓水，同埋出面做MC儲返嚟，都係多方面夾埋嘅錢，去做咗一個自己鍾意做嘅嘢。」
係嘅，唔做TVB藝人，一樣有好多出路。有夢想，當然要去實踐啦。訪問完畢，阿水又繼續招呼人客同入廚房忙碌煮嘢食：「你有咩想食呀？」真係好有熱誠喎！