孫慧雪開刀誕近9磅男嬰 新手媽咪產後首回應：BB足足53CM長﹗
撰文：洪曉璇
出版：更新：
恭喜恭喜﹗陀住個巨肚嘅孫慧雪正式成為媽媽啦﹗她在FB留言報喜「和大家報個平安，親愛的小寶寶已經來到我們的生命裏了！是一位小男孩～重8磅10
在此要感謝為我們迎接這位小寶寶的醫生們和在產前不斷為我打氣的護士們，還有一直關心我們的家人和朋友們，愛你們喔。』而雪雪接受香港01訪問時，仍然難掩喜悅：「最終都係開刀生產，因為自己順產生唔到，之前個肚真係好大，但BB出世後發覺唔係好肥，但個身超長，足足53CM，頭圍都過10CM，重8磅10。」
雪雪透露老公有入產房一直陪住佢，仲有親自剪臍帶。見到愛子一刻，雪雪深受感動：「其實我想喊架但無力，不過原來開刀都好攰架﹗我只係扮精神同BB影埋張合照，之後即刻闔埋眼訓著左。老公不停話BB好得意呀好得意呀，不過就無喊。」
雪雪透露老公有入產房一直陪住佢，仲有親自剪臍帶。見到愛子一刻，雪雪深受感動：「其實我想喊架但無力，不過原來開刀都好攰架﹗我只係扮精神同BB影埋張合照，之後即刻闔埋眼訓著左。老公不停話BB好得意呀好得意呀，不過就無喊。」
不過原來雪雪一直不知道腹中是男還是女：「之前我地叫醫生留個SURPRISE俾我地，千萬唔好講，照超聲波又真係剛好次次都照唔到重要部位。到BB出世時我用盡最後一分力，問老公到底係仔定女﹗」至於囝囝叫咩名呢?雪雪話中文名仍在考慮當中，英文名就陀緊嘅時候已改好叫RLIEY：「因為當時未知BB性別，我地呢個名比較中性，男仔會幾型女仔會幾爽朗，所以兩公婆一致確認。」