港姐亞軍親揭淡出娛圈之謎 負債百萬搖身變商界女強人住複式豪宅
撰文：張寧兒
出版：更新：
44歲港姐亞軍陸詩韻，當年入行4年便轉行從商，發展自家品牌內衣及美容生意。以往陸詩韻曾被指與富商過從甚密，後她受訪否認被包養，強調仍然單身；她又曾為男友負債過百萬，更自爆諗過自殺，幸而成功走出人生低谷。近年陸詩韻常揸靚車出入且周身名牌，更曬出複式豪宅，相當富貴。
陸詩韻近年常發展社交網，她談到當年爸爸一番話改變了她的思維。陸詩韻日前拍片透露，同樣是生意人的爸爸勸她「如果你要做生意，你就唔好諗娛樂圈；如果你諗娛樂圈，就唔好諗住做生意，你咁樣夾住係唔會成功。」
陸詩韻當時不解，原以為娛樂圈名氣有助生意，但陸詩韻爸爸認為不會成功，「佢都教曉咗我一樣嘢，唔信你睇吓好多明星名人去做生意，你睇佢哋做兩年呀，搞自己品牌又好、做生意又好，兩年後會銷聲匿跡㗎啦，因為佢嘅重心唔喺嗰度。」把爸爸建議聽入耳的陸詩韻，近年從事美容及護膚品生意大獲成功，成為商界女強人，曾獲頒「大灣區傑出女企業家獎」，2023年又獲委任為「香港美容業總會」榮譽會長，認真犀利！