胡諾言掹車邊跟太太學做直播：要好有耐力
撰文：吳子生
出版：更新：
胡諾言（胡仔）昨晚（4/1）以嘉賓現身亞洲國際博覽館出席由全港最大直播平台 OhBaby 舉行的「OH 斯卡頒獎典禮」。胡仔接受《香港01》訪問時表示：「其實我自己就好少做直播帶貨，但我太太就比較多，我就會掹車邊跟佢學吓嘢咁，始終我都係做吓主持拍吓劇為主，但有時都會將一啲技巧擺喺帶貨上面，我覺得帶貨係好犀利，要好有耐力，每次做直播都起碼兩個鐘起跳，你個腦係要不停咁轉，要不停諗，要講啲乜嘢，就好似以前我做過電台DJ咁，主要係靠把聲去講，變咗每句說話真係唔可以有空位，咁所以我覺得佢哋係好犀利。」