古淖文開騷唔介意騷肌 黃劍文為面世新歌自己搵作詞人
撰文：吳子生
出版：更新：
古淖文（Germano）和黃劍文（Kimman）今晚（2/1）現身新蒲崗出席新歌發佈會。Kimman推出新歌《默默》：其實呢首歌我兩年前已經寫好咗個曲，自己係好鐘意，於是就搵公司幫手，公司都好讚成，就叫我自己搵編曲同作詞人。跟住我就係默默地去搵，最終就完成咗呢首歌。呢首歌嘅風格都有少少王傑嘅風格，有啲滄桑同痴漢咁。」
提到即將舉行演唱會，古淖文表示：「個心好平靜，因為手頂上啲騷今晚係最後一個，變咗可以專注喺自己嘅演唱會上，但都只係得返一個禮拜嘅時間。（演唱會會否騷肌？）其實我覺得露少少Ok嘅，健康性感係Ok嘅，同埋我嘅身材又未去到咁犀利，不過我一直都有操開嘅，希望可以着衫會好睇啲。」