【化妝嘅嘢....】苟芸慧靚到變咗樣? 陳法拉張曦雯最性感
撰文：溫菁莉
出版：更新：
歐美化妝品牌GIVENCHY Beauty早前邀請8位城中時尚魅力女星，包括鄭秀文、林嘉欣、陳法拉、周秀娜、苟芸慧、陳瀅、張曦雯和歐鎧淳，以全黑冷艷形象拍攝最新唇妝。不過重點還是落到幾位的性感裝扮上，驟眼睇每位女星完全唔似佢地平時嗰樣。咪住...乜大會請左久未露面嘅「關寶慧」嘅？？細心睇原來係苟姑娘嚟㗎,點解係完全唔同樣！苟姑娘出道咁多年，經常俾外界誤認係林熙蕾，原來仲有同關寶慧，真係宜家先知，唔知苟姑娘男友陸漢洋又會唔會搞錯呢？
+1
講開又講，對上嗰次係電視見到關寶慧咁啱係上星期六TVB重播2000年節目《宇宙無敵獎門人》，佢當時仲同千億新抱徐子淇一齊玩遊戲。而近年關寶慧係香港亦罕有露面，工作重心則轉移到內地，去年就參與舞台劇《我和春天有個約會》內地巡演，仲經常在微博update綵排照片!!
而苟姑娘嘅近況就唔洗多講，幾乎隔兩三日就會見到佢，她昨日出席活動時仲透露自己終於取得香港永久性居民身份證,期間仲話希望可以代表香港參加賽車，話咁快苟姑娘今日下午亦會與男友陸漢洋出席電動方程式賽車錦標賽記者會。
於美國進修戲劇碩士學位的陳法拉（Fala），今次她就首次穿上全黑型格服飾，令人耳目一新。Fala指3、4歲開始便對唇膏產生興趣，她表示小時候有件事到現在還記得：「當時媽媽有一支變色唇膏，遇上體溫會變色，對當時小朋友的我來說是十分神奇的事，所以待媽媽一出門口，第一件事便拿她的唇膏來搽，不過因為不懂得抹掉唇膏而往往被發現。」Fala都滿意自己的嘴唇，但都希望自己笑多點，因為很多人都指她笑起來時嘴唇很美，而她亦會提醒自己保持心情好，塗上唇膏更能彰顯唇部美麗的線條。