誤判｜MC尷尬婉拒與黃百鳴合唱　螢幕放大肚腩下定決心減肥

黃百鳴、MC張天賦、Shirley陳欣妍昨日為新片《誤判》謝票，黃百鳴認為謝票有幫票房，而MC首為《誤判》謝票，見到每場都爆滿而感到開心。問到有無觀眾要求合唱《記憶綿》，黃百鳴表示「無，有啲失望」，但MC話想留返喺百鳴哥嘅Youtube頻道發生。

MC澳門演唱會快將舉行，他表示已投入綵排，但瘦身程度未如理想。「 因為拍完戲之後，螢幕係咩都會放大，特別係肚腩，所以下定決心要減肥。」MC話見過百鳴哥8嚿腹肌，都十分佩服對方。黃百鳴透露每星期都會做三次瑜伽，每次約一小時，另外亦會行路。MC聽完之後，表示唔食碳水化合物會情緒起伏較大，唯有學識調節。

另外，提到未有歌入叱咤五強，MC表示不覺遺憾，而他亦十分替洪嘉豪感到高興，又呼籲大家投票《黑玻璃》。