梁凱榳翻唱黎小田名曲《問我》英文版感壓力︰希望小田哥收貨
撰文：吳子生
出版：更新：
梁凱榳（Emana）和著名音樂家張嘉誠，現身銅鑼灣出席懷念黎小田《問我》英文版《 city of hope 》發佈會。Emana接受《香港01》訪問時表示：「其實做呢隻歌對我嚟講都好大壓力，因為呢隻歌已經有13位朋友翻唱過，嚟到我嘅時候，已經係第14位。而嚟到我身上，我已經將啲歌詞全部改晒，同埋變晒做英文歌，我哋係用返原本嘅概念去做呢首歌，希望小田哥會收貨。」
張嘉誠接著說：「其實小田係我恩師嚟，我哋係互相欣賞，我哋相處嘅時間唔少，亦同台演出過。小田喺我印象佢一位好有溫暖同好親切嘅作曲家。」被問到二人有否見過黎小田發脾氣？張嘉誠與Emana異口同聲說：「我哋同佢相處係好開心，從來都冇見過佢發脾氣。」