姜濤開心獲193支持　Stanley打鬥場面怕整到193隻手

姜濤同Stanley（邱士縉）今日出席新劇《無用的謊言》記者會，姜濤首次睇到主題曲MV時表情趣怪，他接受訪問時直認有少少尷尬，問到是否因「床戲」而尷尬，姜濤表示：「同想像中唔同。」大表濤表示對收視無壓力，姜濤唯一擔心係自己表演唔夠好。Stanley透露與193有數場打鬥場面，並稱「佢只得個高字！因為我係刑警，但佢隻手整親過，我驚整親佢隻手。」

團綜《MIRROR Chef》熱播中，Stanley自覺煮得有型，仲話只需好睇唔需要好食，又讚自己煎奄列識得落牛油，姜濤表示自己都有用牛油。提到昨晚一集終於出現「豆漿撈哥」，姜濤即時失笑，他解釋：「因為有蛋白質嘛，因為要減重，所以對蛋白質好敏感。」

日前193接受嘟姐訪問時，以「Support You Bro！」力撐姜濤，姜濤表示同193接觸唔多，透過今次拍劇了解多咗。「一直以為佢support係講吓，但原來係真，無論點都好，有身邊人支持係好事，我都會支持佢。」