劉丹回應被網民指年紀大揸車 指兒子劉愷威建議換車：唔好換

現年80歲劉丹（丹爺）今日出席《愛．回家之開心速遞》「迎冬至 賀聖誕」活動，他接受《香港01》 訪問表示：「屋企買少少嘢去整聖誕裝飾。」他繼續指自己不享受吃聖誕大餐，並表示：「出到去要同人哋迫，我唔係信教嘅，所以喺屋企食啲嘢玩吓開心吓就算。」

講到會否帶孫女劉苡馨(小糯米）欣賞聖誕燈飾，他笑言：「但係佢去邊度玩，就要交返俾佢老竇負責。」被問到有否收過孫女的聖誕卡，他回應：「我年年都收，學校都教佢哋畫聖誕嘅卡，我生日嘅時候佢又話一張卡俾我，呢啲卡我都收過好多。」他透露孫女更窩心寫上我愛你的字眼。

提到最近有網民指劉丹年紀大，仍然選擇自己駕駛，擔心安全的問題，他說：「完全冇問題，我自己揸車知道最緊要頭腦清醒，我個仔話想同我換車，我同佢講唔好換，因為架車我用得好好，所以我想繼續用落去，一係就用到架車唔掂，一係就我唔掂，先需要換車。」他透露政府規定每三年要續一次牌，並表示：「要有醫生紙證明係可以揸車。」