王汛文生日唔見影 倪樂琳否認鬧不和：我冇出席佢係唔會嬲嘅
撰文：吳子生
出版：更新：
港姐冠軍倪樂琳（Ellyn）今晚（18/12）現身香港故宮博物館出席慈善籌款晚宴。對於日前「友誼小姐」王汛文（Candice）與一眾同屆佳麗食飯慶祝生日，被眼利網民發現未見她蹤影，質疑她們鬧不和。Ellyn接受《香港01》訪問時笑言：「其實嗰日我去咗攞獎品車，到我攞咗部車之後，發覺有啲嘢要處理，變咗就趕唔切出席佢嘅生日會。（點解唔攞完車接佢哋去玩？）因為我仲係P牌，加上我又唔係好夠膽揸。（網民質疑你哋鬧不和！）唔會不和嘅，大家睇我哋小紅書就知我哋幾好關係，同埋我哋IG都成日互動。其實喺佢生日嗰日，嗰朝大家去髮型屋整頭，我哋都買咗蛋糕同佢慶祝，咁所以嗰日我冇出席佢係唔會嬲嘅。」