小花譚杏藍2010年水著騷被出土 自嘲有陰影：簡直係黑歷史﹗
夏天為大家帶來美腿，每年暑假電視台總會拍攝一些水上遊戲節目，不外乎一大班年輕藝人，穿得清涼濕身玩遊戲。老實講句，遊戲來來去去都是萬變不離其宗，觀眾真的為了欣賞遊戲而開電視嗎？節目好睇與否，視乎藝人投入程度及養眼程度，今年TVB繼續開拍《瘋狂夏水禮》，不過觀乎網友留言，似乎不大受落。
《瘋狂夏水禮2017》由林曉峰、林盛斌擔任主持，嘉賓有張振朗、陳瀅、連詩雅、雨僑、陳嘉桓、何浩文、翟威廉，看牌面總算個個叫得出名，但細心一看，一小時節目不足一半時間在水上玩樂，很多AIR TIME花在酒店及佛山街頭找尋美食，有贊助要交貨亦無可厚非。
不過討論區內討伐聲四起，網友表示難以相信水上遊戲節目中，居然身穿短袖TEE上陣(蝦頭更加以長袖衫及長褲疑似潛水衣打底……)有網友懷念起亞視當年的《青春無敵Free D水運會》。在2010年8月播出的節目，當中不乏熟悉面孔，過檔TVB人氣急升的游生袁文傑、林韋辰、蔡國威、現於有線擔任主播的劉家聰，而一堆三點式上陣的嫩模，當中居然有現為youtuber的小花譚杏藍身影﹗
黑色底星星圖案比堅尼，baby fat未減加上典型電視「上鏡妝」，難怪提起當年這個節目，小花第一個反應：「陰影黎架噃！簡直係段黑歷史﹗」小花表示2010年自己剛剛入行，很多事都不懂，收到通告要參與水著game show，心裡忐忑不安，因為當年自己肥嘟嘟亦從不穿著三點式示人，更惶論於鏡頭前騷手弄姿。
「拍攝當日我著住tee同短褲到場，點知臨roll機時監製開聲，一定要除左佢以比堅尼上陣。當時自己其實好唔開心，但始終啱啱入行都要聽話架啦，唯有照做啦…」對比那些年嘅妝容，小花亦不禁失笑，指即使有網友質疑她曾整容亦不為怪：「宜家呢個X.0 Version版譚杏藍，真係化妝影響好多，以前乜都唔識，以為畫幼D畫彎D條眉就叫化左妝，睫毛長到插死人，宜家通常自己攪掂好少會俾人化妝啦」
小花笑言被網友找出陳年舊片感到意外，：「諗住無所謂啦都無人睇嘅，當日拍攝身邊咁多嫩模，身材又勁咁多，諗住收埋自己就算，估唔到竟然有人睇。」問到如果再有類似節目拍攝會否接受，小花則坦然要尊重另一半，外加TEE比較密實示人。