尹光踩入「姜濤灣」進行快閃活動　「大家可以叫尹光灣」

光B(尹光）今日（14/12）現身有「姜濤灣」之稱的銅鑼灣心臟地帶進行快閃活動，吸引過百人朝聖，場面熱鬧。光B受訪時表示：「今日非常之開心同埋非常之好玩，因為第一次同咁多舞蹈員喺街頭進行快閃活動，話時話啲舞步就真係冇乜點練過，都只係喺拍攝嘅時候練過，隔咗咁耐都真係唔記得，之不過亂咁跳都開心㗎，雖然步法係冇咁齊整，但最重要係開心就得。（記︰有意嚟姜濤灣踩場？）我唔係嚟挑戰，其實乜嘢灣都冇乜所謂，大家可以叫『尹光灣』，其實任得你叫，我就冇意將『姜濤灣』變成『尹光灣』嘅。」