王君馨陀B暴增17磅 上圍升級：肥咗17磅
撰文：吳子生
出版：更新：
現年38歲王君馨（Grace）與老公Daniel結婚7年，日前在社交平台宣佈造人成功。今日（13/12）Grace宣佈懷孕首度公開出席活動，她受訪時透露懷5個月，預產期在明年5月份：「其實當我一知道自己有咗BB之後，我係做咗好多個測試之後，確認咗係我先至夠膽話俾我老公知，佢知道咗之後好愕然，成個過種我係錄抵咗。至於個BB嘅性別，暫時我就唔過得俾大家知住，BB出世會喺明年嘅5月份，到時同我同埋老公一樣都係金牛座，希望佢到時唔好咁硬頸啦。」
提到到身體的變化，Grace表示：「我感覺上頭3個月係辛苦啲，而家進入咗4至6個月個人能量係多咗啲，而家嘅體重係差不多130磅，俾之前重咗17磅。而家我老公見到我肥咗反而係開心，因為之前佢成都覺得我塊面好瘦。（上圍有冇升級？）我全個身形都有升級嘅，比之前個人係冇咁靈活嘅，係豐滿咗少少。」