《愛．回家》綠葉北上掘金魚翅撈飯　謙稱只是「高級碗仔翅」

48歲的杜大偉，在TVB處境劇《愛．回家之開心速遞》中，飾演Peter一角，縮骨性格深入民心，但真正的他相當有義氣，他孖住劇中的好兄弟Ivan鄧永健，一齊北上在江門開茶餐廳，做得有聲有色，豬籠入水。近日杜大偉分享自己食「魚翅撈飯」及「燕窩豆腐花」，富貴生活令人又羨又妒，總好過在TVB捱騾仔。

《愛．回家》中不少角色，表面是小人物，其實真身相當富貴，當中飾演接龍Peter的杜大偉，劇中講到他調到去屯門貨倉，淡出劇組。其實他是孖住好友鄧永健在江門開茶餐廳，生意滔滔。杜大偉在拍劇之餘，一直經營飲食生意，曾經有7間火鍋店，只是碰上疫情，由7間變1間，之後又到泰國曼谷開港式火鍋店，現時在內地開茶記搵食，生活已經甚為富貴，近日他分享自己食「魚翅撈飯」的視頻，仲笑住話只係「高級碗仔翅」，之後再來碗飯後甜品，竟然是加上燕窩的豆腐花，不過大家唔使得個恨字，皆因他其實是做業配工作，而且食翅都不用120元，杜大偉炫耀富貴生活，只是一個美麗的誤會。