林明禎缺席首映禮被封「大話禎」 張繼聰：同佢合作睇到佢好專業
撰文：吳子生
出版：更新：
張繼聰和蔡卓妍（阿Sa)今晚（11/12）現身尖沙咀出席賀歲片慰勞宴。對於林明禎日前放飛機缺席首映禮，被封「大話禎」，張繼聰接受《香港01》訪問時表示：「其實我試過同佢拍戲有次為電影宣傳嘅時候，佢係病到吊鹽水，佢喺醫院都要即刻過嚟繼續宣傳，嗰次見到佢又痾又嘔，都幾陰功。就算幾辛苦佢都係繼續笑面迎人，都好俾心機去做。咁所以今次嘅事，我就唔可以評論，但我同佢合作嘅時候，我係睇到佢好專業。」
對於林明禎前途是否一鋪清袋？張繼聰表示：「其實我就覺得，我哋入咗行咁耐，無論你點俾心機去做嘢，但你永遠都控制唔到一啲嘅新聞嘅走向係去負面或正面，變咗呢一行係要靠長時間去累積。諗起當年嘅自己，都會有唔好嘅新聞，咁唯有再俾心機去繼續做好自己。」阿Sa接著說：「其實我就覺得冇嘢，只要你下一部作品出嚟，做得好好，啲人就會唔記得。」