伍仲衡搶簽新人洪心怡 辣㷫無綫被炒 薛家燕：佢愛才啩
撰文：吳子生
出版：更新：
薛家燕今日（6/12）現身電視城出席《歡樂滿東華2024》項目排練。對於伍仲衡搶先簽新人洪心怡 ，因而觸動TVB神經，遭即時通知停任《中年好聲音3》評判及在TVB所有工作。
家燕姐接受《香港01》訪問時表示：「我又唔知佢有呢單新聞，但其實佢喺《中年好聲音》做評審又做得唔錯喎，你知啦，佢唔鹹唔淡嘅國語，係好搞氣氛，咁佢都幾有份量。至於佢簽新人，可能佢愛才，因為有陣時好嘅歌手唔容易搵嘅，加上佢唱歌又唱得好好，將會好有前途，同埋可以唱得好多佢作嘅歌曲未定，可能同無綫嘅溝通疏忽唔了解，咁其實公司同佢都好熟，相信會冇事。」
\