黃建東角逐萬千男飛躍　自爆搣甩30磅有望操fit body拍寫真

藝人黃建東(東東)最近入圍《萬千星輝頒獎典禮2024》角逐男飛躍，他接受《香港01》 訪問表示：「今次我係提名飛躍進步男藝員，之前兩年我都有入圍呢個獎項，嗰陣時就入咗五強。我覺得喺《福祿壽訓練學院》同埋《黑色月光》都畀觀眾見到另外一面嘅自己，喺呢一個節目嗰度可以畀觀眾睇到我喊有感性嘅一面。」他強調在《黑色月光》揣摩的角色有特別調節自己的喜劇感覺，有望發揮最自然的狀態。

黃建東自爆搣甩30磅有望拍寫真派福利

講到會否親自拉票，他說：「好開心，希望入到十強，如果除衫騷肌肉自己又未夠大隻，雖然瘦咗三十幾磅，但未去到六嚿腹肌，希望夠fit嘅時候我都可以拍啲寫真嘅相。」他笑言若果有機會進軍十強會落區賣唱去答謝觀眾的支持。」他又分享特別難忘與王浩信在《黑色月光》辦公室的一場戲，並表示：「最佳好友，好好感情，同王浩信係一個best friend嘅CP，令到大家睇得好開心都覺得好感動！」