梁思浩網上節目大爆圈中人整容秘聞唔怕得罪人：講返真實嘅嘢
撰文：吳子生
出版：更新：
梁思浩今晚（2/12）現身電視城出席TVB Plus《直播靈接觸》 直播節目。提到近日鄧兆尊作客其YouTube頻道《娛樂好好玩》，與他及吳家樂大爆圈中人整容秘聞，隨即引起網上熱話。有網民留言質疑梁思浩也整過容：「整到對眼鬼5馬6」，但也有網民留言大讚節目內容夠晒娛樂性。
梁思浩接受《香港01》訪問時笑言：「相信而家嘅娛樂圈同傳媒，愈真實愈多人鍾意。（怕唔怕得罪人？）始終我喺呢行都40年，咁我覺得人大咗，我想講一啲娛樂圈真實嘅嘢。其實我唔深係講人去整容，連我自己都有講㗎，我係被人捉咗去整容，不過最後係個整容醫生救返我。之前我對眼係好細，但唔知點解人愈大對眼係會愈嚟愈大，我諗係啲皮鬆咗，大家可以睇返啲相，我以前係單眼皮，但隨著歲月，眼皮鬆係變雙眼皮，但我對眼係有大到。（你冇整過？）我冇整過，暫時嚟講係順天然，但遲啲我就唔敢講。」