萬千星輝2024｜蔡潔首獲提名台上發夢　老屈朱晨麗氣氛尷尬到極

《萬千星輝頒獎典禮2024》今日（2日）公布各獎項的提名名單，最佳女主角提名名單一向最受矚目，憑電影《香港仔》「全祼」肉搏曾志偉爆紅的蔡潔，今年亦獲提名，今日她出席入圍名單活動，竟在台上發夢爭啲得罪人？

朱晨麗、蔡潔、陳自瑤、龔嘉欣等人上台發表入圍感言，朱晨麗先感嘆：「好多年未企上呢個舞台，好感恩。」蔡潔一邊聽一邊拍手，好似好認真聽咁。輪到蔡潔時，蔡潔突然拉埋朱晨麗嚟講，她說：「我同朱朱一樣，都係第一次企上最佳女主角嘅提名......」此時朱晨麗緊張地澄清：「我唔係第一次，我係隔咗好多年！」氣氛即時尷尬到極點！蔡潔捉實支咪唔放，仲撳住朱晨麗伸過來疑似想搶咪的手，扮傻笑住兜返：「緊張到聽錯咗！」認真啲聽書啦！