應屆環姐亞軍甄蕎爆著瑜伽裝遭偷影：成件事好唔舒服
撰文：吳子生
出版：更新：
香港區環球小姐亞軍甄蕎（Yan Kiu)和陳澄倩（Jasmine)昨晚（29/11）現身啟德出席出席《別出「深」裁時裝設計比賽2024》。Yan Kiu接受《香港01》訪問時表示：「自己對衣著都有一啲要求 ，對我嚟講最緊要靚，而且最重要係揀啱適合自己嘅顏色，例如我自己就鍾意淺色系列嘅服裝，咁樣先特出自己個人風格。」
而Jasmine表示鍾情黑色系列服裝：「我會鍾意一啲能夠特題自己身材嘅服飾，當中梗係唔少得就係性感，因為自己本身有做開運動，變咗梗係要騷返個身材出嚟。（你最滿意自己訪個部位？）我最滿意自己個Pat Pat，因為依家興蜜桃臀，變咗我係針對性咁樣鍛鍊。（有冇試過被人昅到實？）試過著瑜伽衫褲，搭車嘅時候被人望到實，同埋試過被人偷影，當時係知道嘅，唯有選擇行開。」
Yan Kiu接著說自己亦有同一遭遇，在車上被人偷影：「有位四十幾歲嘅男人，佢喺我朋友面前偷影我，當我哋知道之後，我哋就轉身離開，成件事係好唔舒服，都唔明唔個人心態。」