陳煒內地拍劇十幾日 返到屋企即做一事同老公有關

陳煒（煒哥）昨晚（29/11）現身啟德出席《別出「深」裁時裝設計比賽2024》。煒哥接受《香港01》訪問時表示：「我今朝6點先喺內地拍完劇《正義女神Themis》 ，瞓咗唔係好多，之後又要趕返嚟香港出席今晚呢個活動，出席完呢個活動之後我又要返番上去開工，前後喺內地都拍咗10幾日，都真係好攰，因為呢個角色係律師嘅關係，變咗要背好多專業名詞，係要用好多精神去熟讀，個人係好攰，有時候返到嚟香港屋企，我係攰到唔想同老公講嘢淨係想瞓。」

煒哥又指近來在內地開工拍劇十多天，已有一段時間未返家，故一到家中便要急忙做家務：「因為我老公唔唔識執屋，加上佢又忙，始終屋企係會有啲亂，咁所以我一返屋企首要任務就係做家務，將個屋企打掃得乾乾淨淨。」