麥明詩靠線眼check老公行踪 參考網民意見為BB改名盛事盛女

麥明詩今日（29日）陀B現身時裝盛會，腳踏5吋高踭鞋加露腰裝，Louisa笑言要把握機會着靚少少，氹自己開心。

麥明詩又抱怨老公盛勁為太忙，要提醒先會幫自己按摩及搽妊娠紋藥膏，但再忙，盛勁為下月都已請定假，準備同老婆及家人去峇里旅行兼慶生。表示着唔落一件頭嘅麥明詩表示：「我而家唯有着三點式，比較彈性少少。」她表示會順度影孕照，但唔希望老公太sexy：「佢話用咗好多時間陪我，冇時間keep身型，我唔係好想佢太sexy，因為我依家冇乜market。」又指老公開工周圍飛，要靠線眼打聽老公行踪，麥明詩笑言是受荷爾蒙影響。

問到想要生B仔定B女，Louisa先謂各有各好，有共識再生，然後又繼續講：「我自己有哥哥，覺得第一個小朋友係男仔可以照顧妹妹，但女又黐爸爸，可以留得住爹哋多啲。」暫時仲未知BB性別嘅麥明詩透露雖然會開Baby Shower，但預計唔會有揭曉環節：「驚大家表情管理唔好！」但就搞笑分享可以參考網民意見，男仔叫盛事，女仔叫盛女。