木村光希、谷愛凌、沈月現身時裝盛典盡顯貴氣　范冰冰超低胸搶鏡

首屆「香港時裝薈」的重頭戲「Vogue Loves Hong Kong」今日（28日）舉行，國家冬奧金牌得主谷愛凌、2NE1隊長CL、少女時代前成員Jessica、木村光希、《Emily in Paris》男星Lucien Laviscount、MIRROR成員Lokman 、AK、Edan、姜濤、盧瀚霆、陳卓賢均有現身。

「最美星二代」沈月今日以紅色長裙現身，她接受訪問時表示比較期待見到老友木村光希，二人早前在活動上認識，其後一直保持聯絡，無所不談。

提到早前飛到馬來西亞，與雪蘭莪州（Selangor）公主扎塔莎（Zatashah）向弱勢社群派食物。沈月表示一定會繼續做善事，尤其是幫助小朋友。「今次去馬來西亞就係幫小朋友有飽飯食，之前去緬甸都有教小朋友英文，去雲南都有探小朋友。我喺雲南有建立一間學校，之前覺得做完唔使講，但媽咪認為改變一個人諗法已經可以幫到世界少少，所以希望我做嘅所有善事可以幫到呢個世界。」沈月雖然十分鍾意小朋友，但她至今仍未有對象，笑言可能擇偶條件太高。