Edan未能與床哥達共識　姜濤為「冇品」道歉：佢接唔接受我都尊重

床哥@JFYT昨晚（28日）直播，就「抽水事件」回應，提到與Edan（呂爵安）有開玩笑共識，但暗串姜濤「衝出嚟」。

Edan、姜濤、Anson Lo 、Lokman 、AK、陳卓賢今晚（28日）現身時裝盛典。Edan 再就事件開腔，他表示立場一直以「大事化小，息事寧人」為主，而自己亦有釋出善意，但床哥如何回應是他個人選擇，所以無得判斷對與錯。「佢同我立場有少少唔同，未達成共識，係有少少可惜。」Edan又向對方表示「唔好搞大件事」，床哥亦有收到，但他認為無得強迫對方做任何事。

姜濤表示見到需要出聲嘅地方都會出聲，而他亦有睇晒床哥直播。「我會更加了解我哋之間嘅嘢，佢覺得開玩笑啫，無做成傷害，但而家有，我哋承認佢係無惡意，以後大家將心比己，要尊重所有人。佢覺得我講冇品佢會唔舒服，對唔住，如果俾我揀多次，我會用溫和啲嘅字眼，我已經道咗歉，佢接唔接受，我都尊重佢，佢道唔道歉都係佢嘅選擇。」