黑色月光｜林夏薇自爆要求楊茜堯結局劇情大力打一巴：唔使有壓力

林夏薇今日（28日）出席台慶劇《黑色月光》宣傳活動，她接受訪問分享新劇最深刻的拍攝一幕：「印象好深刻大結局嗰一場戲，拍完之後出咗影棚仲踎咗喺度喊。」她透露在拍攝現場楊茜堯有主動安慰她，並且即場送上一個擁抱。

自爆要求楊茜堯結局劇情大力打一巴

講到大結局要打楊茜堯一巴的戲份是否一take拍完，她說：「我拍嘅時候都有同楊茜堯講你盡情打埋嚟，因為打人嗰個會有壓力，我話唔使有壓力，我話大力打落去，嗰個狀態畀觀眾睇到更加有代入感，我覺得真係好過輕力打。」講到有網民留言指收看完《黑色月光》便討厭林夏薇，她表示：「係開心事，我有見到人留言俾我， 話我真係好壞，之前我嘅角色都係正能量比較正面，而家觀眾都係諗起我新角色嘅樣，證明觀眾睇得投入。」

被問到大結局中呈現精神狀態有問題，她說：「去到後期會有開放式嘅結局，至於續集就要睇公司安排，就要問監製！」她透露慶幸在宣傳期間能夠推出《黑色月光》系列的首飾產品，並表示：「我12月中會喺尖沙咀開實體店，籌備緊開張！」