黎彼得拍開電視節目兼劇集　大讚開工時數短：但TVB就唔同啦

黎彼得和孫慧雪昨日（28日）出席HoyTV「旅 ‧ 心活」旅居發佈會，孫慧雪接受訪問回應退休大計：「好遙遠，如果我冇生兩個小朋友應該都近（退休狀態），但而家有咗小朋友啲錢就好似倒水咁，我要有好好嘅儲蓄計劃。」至於是否儲夠一千萬就能夠實現退休夢想，她表示：「搵一啲城市冇咁講求生活質素，唔需要咁多錢嘅地方。」

黎彼得被問到退休計劃，他回應：「退而不休，我做YouTuber都係轉型，本來我想揸的士，我要續牌，佢話要攞醫生紙，我唯有注重YouTuber嘅發展！」講到最近忙於拍攝HOY TV首部原創劇《我愛九龍城》，他說：「因為（開電視新劇）嗰邊嘅團隊同我好好感情，又有合作過《愛．回家》，你(TVB)唔要我呀！我大把地方可以去，開電視又好歡迎我，此地不留人自有留人處。」講到新劇開工時數的問題，他說：「而家都短咗好多，好似我條命咁，都係每日拍12個鐘，拍全部外景就一組，但TVB就唔同啦!算啦，唔好再講呢個電視台。」