林敬剛拜萬梓良為師曾獲對方豪語關照　10字大爆結局真相

無綫資深演員林敬剛今日（26/11）現身電視城出席無綫「長期服務暨傑出員工榮譽大獎頒獎典禮2024」，獲頒30年服務獎。提到前年他在內地向萬梓良跪地拜師，獲賜名「林犇」，同時萬梓良亦向他豪語說：「做咗咁耐茄哩啡，我冇面，由今日開始唔使再做茄哩啡啦，TVB唔用你就我用你，我用唔到你，我仲有好多導演兄弟可以用你。」繼周星馳、林家棟及姜皓文之後，成為萬梓良第四位徒弟。不過有網民認為他50歲人先來拜師學藝是否太遲。

林敬剛接受《香港01》訪問時表示：「其實大家睇到3年前網上嗰段片，只不過係做返一次正常嘅拜師儀式啫，因為早7至8年，我已經拜咗佢為師，其實就唔係嗰日先收我為徒嘅。（網民認為50歲先拜師太遲！）我就覺得拜師就冇分年齡嘅。（萬梓良話過TVB唔用你就我用你，咁佢有冇嘢俾你做？）唔⋯⋯⋯講真㗎？（唔敢講呀？）講真㗎，講真又真係冇喎。（咁要追追佢喎！）咁追佢就無謂啦，自動自覺啦！」