洪金寶高麗虹與蔡瀾聚餐　林敏驄大膽邀唱鹹濕歌：Auntie畀唔畀呀

現年72歲的「大哥大」洪金寶縱橫影壇超過60年，拍過不少經典作品，但隨着年齡增長，身體狀況不如以往，近年受糖尿病困擾的他過着半退休生活，不時被「捕獲」親自到街市買餸，十分貼地，又相約好友聚會，樂得逍遙。日前洪金寶就與太太高麗虹、林敏驄、蔡瀾等一起大歎日本料理，相當盡興！

林敏驄上載了當日聚餐的短片，片中所見，一頭白髮的洪金寶上身圍住一條類似口水肩的物體，低頭密密食，魚生、海膽應有盡有，他更大讚：「正！Very正！」洪金寶又不時對着鏡頭做出鬼馬表情，狀態不俗，不過當林敏驄邀請他唱歌時，洪金寶即「耍手兼擰頭」，並表示：「冇聲喇而家。（鹹濕歌唔使聲㗎，唱唔唱鹹濕歌？Auntie畀唔畀呀？）」而高麗虹聞言就笑笑口，未有回答，但仍有不少網民留言大讚她即使已年近60，但仍氣質出眾，風采依然。之後林敏驄又找來蔡瀾一起合照，蔡瀾亦大讚好味！