《聲夢》男神神秘老婆罕曝光　麥當勞賢惠湊仔食包做低調少奶奶

40歲的周柏豪（Pakho）是近年冒起「大灣區男神」，長駐內地搵食，豬籠入水，密密搵錢為家人提供更好的生活環境，早有傳兩首歌酬要價70萬，近年亦有回港為TVB歌唱真人騷《聲夢傳奇》擔任導師。周柏豪曾被揭豪斥3300萬元購清水灣豪宅新盤，以老婆名義買入，更曾揚言要老婆朱敏君（Stephanie）做「少奶奶」，今朱敏君竟被發現疑似現身平民快餐店親自湊仔。

周柏豪2016年他與拍拖多年的圈外女友朱敏君( Stephanie ) 結婚，婚後兩人育有一對寶貝仔女，大女Sonya今年4歲，細仔2歲多，近日有網民指發現朱敏君現身平民快餐店麥當勞，戴上Cap帽及口罩，「一打二」親自湊晒兩個，並帶仔女食包，相當賢惠。朱敏君孭上LV手袋，難掩貴氣。有網民亦指朱敏君一向低調，難得見到朱敏君身影，紛紛大讚朱敏君好靚女，是靚媽一名。