「TVB吸金王」出差掃名牌手袋冧老婆 曾拎60萬鱷魚皮袋震撼網民
撰文：張寧兒
出版：更新：
視帝陳豪一向出名是愛妻號，錫晒太太陳茵媺。婚後除了不用陳茵媺開工外，更努力搵錢提供更好的物質生活給老婆及仔女。錫老婆果然會發達，陳豪多年來均是TVB的吸金王，被指年賺三千萬。近日陳豪現身南京，一樣發揮愛妻本色，當場擲錢買手袋畀太太？
陳豪近日夥拍TVB小生丁子朗亮相南京國金中心出席星光見面會，與影迷們見面互動。除了與冧影迷外，陳豪亦把握機會冧老婆。從網民拍下的片段可見，陳豪現身名牌店，店員正為陳豪介紹名牌手袋，離遠已經見到是Christian Dior手袋。而陳豪亦專心聽店員講解，又把手袋拿上手左睇右睇，露出滿意笑容，最後亦似乎決定拍板，將手袋孭在膊頭上行去畀錢，實在寵妻呀！有網民笑言：「阿mo這是出差不忘給Amiee買包包嗎」真是令人羨慕。
陳豪不時買名牌手袋送畀陳茵媺，陳茵媺過往亦曾曬出不同款式的貴價手袋，曾經被爆拎價值60萬鱷魚皮手袋，一度震撼網民，而外界保守估計陳茵媺擁有超過20個靚手袋，總值至少200萬。