林明禎與Edan行夜市被捕獲有嚇親：下次會小心

林明禎今晚（24日）現身香港，出席代言活動，提到與Edan密會行夜市一事，她解釋是大家咁啱都喺台灣，所以約出嚟食飯，不過見到網上有照片時，自己都有被嚇一跳，問到邊個提出行夜市，林明禎表示：「就一起吃飯，沒有想那麼多。」

而之前一直表示要空間，但又選擇行夜市，舉動是否矛盾，林明禎表示下次約朋友會小心。「沒想那麼多，因為大家都光明正大，就是朋友，下次小心。」

問到Edan當時所帶嘅相機，有無為佢拍照留念，林明禎笑稱相機係飾物，講到因為相機而被認出、林明禎笑笑表示：「佢嘅問題，你要問佢，大家畀啲空間我。」林明禎補充表示大家都以事業為重，有時間先會聯繫一下，而對於搭膊頭舉動，林明禎亦做足功課，話AK有解釋「三把火」，仲話當時真係人多，「扶一扶就被拍到。」

而當被問到「了解到咩地步」，林明禎就撒嬌表示：「我都唔急，你們急什麼。」又再叫大家畀啲空間自己，因為自己係好需要空間。而講到Edan每次同佢食飯，都要全飛機，誠意爆燈，林明禎笑笑表示：「謝謝，大家給我一點空間，謝謝大家。」