熊黛林連環抝柴無得唔認老　結婚8周年於中醫館渡過

熊黛琳（Lynn）今午出席健身品牌活動，身為代言人嘅佢以運動造型現身，大騷弗爆身型。Lynn表示平日除運動、少食油膩食物外，最緊要保持心境開朗。唔少媽媽都會將小朋友食剩嘅飯餸食埋，搞到體重難以控制，但Lynn就話無呢個習慣：「除非佢哋之前食零食，但都好少，因為我唔會買，但都會間中買糖做獎勵。」Lynn平日都會同老公一齊健身，她坦言想老公有完美體態，問到老公有冇腹肌時，她說：「要返去搵吓。」

上月是Lynn同郭可頌結婚8周年，但Lynn透露由於當日喺屋企抝柴，所以最後餐廳去唔成，改去中醫館，連佢都覺得好笑。不過最慘係帶傷開工時又再抝柴，搞到而家都要十分小心。「睇中醫話年紀大恢復得慢，唔似得十幾歲，我以前抝柴都唔會睇醫生，真係要認老。」

聖誕將至，Lynn無意外遊，想留在家中休息，提到小朋友無得過聖誕，她即笑笑手表示：「由佢哋，通常我哋年頭去旅行，因為年尾做嘢忙，難預時間。」