關心妍回應跑5公里當馬拉松被嘲 感謝吳保錡提醒：真係好唔識分
撰文：張祖銘
出版：更新：
關心妍和張天愛今日（21日）出席「香港公民協會 70 周年社區服務活動」，二人在活動現場執垃圾清潔。關心妍接受訪問分享最近參與5公里跑步賽事，她說：「今次終於可以跑一個長跑睇吓自己嘅體能，本身應該報10公里，但我覺得唔好太激進嘅感覺，下次再可能挑戰唔同嘅里數。」講到是次跑步活動有否遇到周潤發，她說：「因為周潤發跑10公里，佢哋嘅賽事完晒，我哋5公里先開始。」
關心妍回應跑5公里當馬拉松被嘲
被問到有否留意男團ERROR成員吳保錡出post指正被指暗寸關心妍跑5K當馬拉松一事，她表示：「都多謝佢提醒，因為我都未參加過呢啲比賽，所以我都長知識嘅，原來係有分別，希望將來真係參加馬拉松。」講到會否因為這個事件而感到不愉快，她坦言：「我冇呀！我都覺得好正常，網民都有話返俾我聽，我好多謝佢，所以我真係好唔識分係咩類別。」她分享在跑步期間有遇到歌迷邀請合照留念，特別難忘這一個時刻能夠與他們互動。她繼續說：「希望有機會將來參加全馬或者半馬嘅賽事。」