林嘉華自爆曾遭刪剪戲份而感不快：當時拍係OK，但最後無交代

林嘉華多年來加拿大及香港兩邊走，曾出演《學警出更》、《奸人堅》、《鐵馬尋橋》等經典劇集，近日他接受港台節目《安哥同學會》訪問時，提到自己入行多年，因性格樂觀未曾遭遇挫折，亦感謝多年來監劇、編劇給予嘅自由度，坦言因為同監製熟稔而「將就」，他曾得到編審允許而更改對白，令其角色更立體。

但他透露自己曾被刪戲，表示：「我曾經試過某套電視劇，同某演員提議咗啲嘢，係正邪對立得嚟只有一次機會，正邪碰頭時我度咗啲嘢出嚟，當時拍係OK，但拍完出街時，將我提議嘅全部剪走晒。我會諗大家係監製、編劇、導演都認同咗我諗嘅一啲嘢，唔止對白，係動作各方面都配合咁場戲，但剪晒無交代。」訪問中，林嘉華又自爆當年拍《鐵馬尋橋》時，所飾演嘅榮德一角，本身戲份極少，係監製李添勝後來加重戲份，甚至獲提名萬千星輝頒獎典禮「最佳男配角」。

提到近年工作，林嘉華指去年曾在英國拍西片，而今年拍了網劇、電影，需要開工時就到國內開工。「我睇劇本好煩，無嘅嘢都要自己作埋出嚟，譬如5、60歲角色，我會創作出前半生，加入自己職業，我係好樂在其中。」