黃建東抽中價值28萬台慶特別獎勁開心 感激汪明荃：佢好錫後輩
撰文：張祖銘
出版：更新：
黃建東昨日（19日）現身《萬千星輝賀台慶》接受《香港01》 訪問大談是日服裝打扮：「着咗天藍色嘅貼身西裝，以前一路都唔夠膽着淺色衫，今年就敢着淺色衫，大家都話靚仔瘦咗好多，瘦咗30磅個運程都好咗，攞咗獎就要keep住瘦。」
抽中價值28萬台慶特別獎勁開心
談及今年抽中台慶特別獎價值280,000元象牙12生肖摩天輪，他分享：「今年係我入TVB第13年第一次喺台慶抽到利是，我不嬲都冇抽獎運，點知汪明荃打開獎個名就係黃建東，福祿壽嘅兄弟都為我歡呼，上咗台都一片空白，今年好開心都可以抽到獎，希望好運延續到出年。」他強調汪明荃是他的貴人，並表示：「新年又去佢嗰度拜年，佢好錫後輩照顧後輩，喺佢手中抽到利是特別有意義，薛家燕都有特別同我祝賀。」
+2