衛詩雅性感露背講明唔驚老公詐型 年邁40歲 ：驚冇人記得我生日
撰文：張祖銘
出版：更新：
衛詩雅今日（20日）以性感大露背打扮造型出席頒獎典禮儀式，她接受訪問表示：「我冇俾老公知（着得性感），佢唔會詐型，佢知道我嘅工作，之後接嘅電影使唔使有接吻嘅鏡頭，老公都冇乜所謂，佢會好信賴！」她繼續指在家中的大事就由老公決定，並笑言：「小事就我決定。」
衛詩雅即將踏入40歲生日
被問到工作大計，她透露下星期將會飛到外地出席電影宣傳，不過老公就不會跟隨飛到國外的行程。講到老公是否有看新電影《破．地獄》床戲的演出，她說：「唔會尷尬嗰一幕係小兒科，可能係其他電影情節太震撼！」她指老公在認識她之前已經欣賞過所有的電影作品。講到今個月（24日）即將踏入40歲生日，她表示：「嗰日應該有電影慶功宴，大家聚埋一齊慶祝，我諗住自己買個蛋糕俾自己，我驚冇人記得我生日。」至於生日願望是否希望憑新電影奪得最佳女主角，她說：「生日願望唔講得，講咗就實現唔到。」