TVB前劏房藝人賺百萬搬千呎海景豪宅 竟要自己整廁所疑暗地炫富
撰文：張寧兒
出版：更新：
42歲「旅遊達人」梁芷珮主持旅遊節目《潮什麼》系列成功入屋，接下不少KOL工作收入豐厚，有傳單單廣告收入已過百萬，由劏房搖身一變升級住九龍站上蓋近千呎的三房海景豪宅及東涌豪宅，努力有回報。
梁芷珮不時分享豪宅照片，近日突然大呻修理廁所及靚車冇人幫手。梁芷珮曬出豪宅廁所照片，梁芷珮家中廁所企理乾淨，不過卻沖唔到廁，好彩靠自己搞掂。她發文：「搞掂完架車，就到屋企個廁所 平時乜鬼嘢叫聲老公就攪掂，今日廁所沖唔到廁，叫個師傅上嚟，佢竟然話唔識整 谷鬼氣，我自己拆咗嚟整，竟然比我…..搞掂咗！快啲讚吓我啦」。
梁芷珮除了公開豪宅廁所照片外，又分享了坐駕照片，然後又稱全日自己一個人，午餐一人獨食壽司，相當寫意，難掩富貴生活！