袁偉豪想三年抱兩湊成「好」字 張寶兒為1歲袁咕碌準備報學校
撰文：鄺鈺瑩
出版：更新：
袁偉豪、張寶兒今日（17日）帶埋仔仔袁咕碌祝賀胡曦文新店開幕，袁咕碌剛好1歲生日，張寶兒表示日前已經開生日會慶祝，收到不少朋友嘅祝福，而接下來將要準備袁咕碌嘅入學事宜。「好多姐妹都會提我幾時報班，話題由以前買衫到而家報班。」
提到早前與連詩雅愛女Baby Camila聚會，袁偉豪笑稱如今活動已變成親子活動，問到會唔會對親家，他表示順其自然，但會盡量安排多啲聚會。問到有無追B打算，他說：「湊個好字係一件好事，呢個都要交畀上天安排，而家BB啱啱一歲，我哋仲有好多嘢要學習，互相去支持，養一個小朋友唔係玩嘅事，所以都要諗埋事業點發展，都係良好動力。」