【後生仔傾吓偈】馮盈盈箍仔高設防 男友有可疑異性：即unfriend
撰文：溫菁莉
出版：更新：
TVB節目《後生仔傾吓偈》顧名思義當然係同時下一班年青人傾計喇，播咗幾集d題材又真係幾吸引，當然兩位港姐冠軍馮盈盈同麥明詩嘅反應都係觀眾收看原因之一喇!而今晚嗰集嘅主題就係開感情台，馮盈盈更大爆自己係「O2」(第二次拍拖)，仲分享「箍仔」秘技，除了已經結婚生子嘅女同學同auntie之外，其他異性一律unfollow，真係好鬼絕情！其後她接受《香港01》訪問時就話，「會Check男朋友係社交平台最近add咩人，同埋我覺得有可疑嘅異性就unfriend佢地。」
馮盈盈之後就即刻解釋以上講嘅「審查」係拍拖初期先做，「始終當時關係未穩定，而且當時有感情難關嘅時候先咁做來令我安心。」當然喇，拍拖最重要係要同另一半互相坦誠同公平，馮盈盈都好認同，「我要求得佢咁做，我都會俾佢睇番我同所有人嘅記錄，我地都知大家嘅手機密碼，唔會有咩隱瞞。」
佢之後又話同男友兩個人之間完全無秘密，「有咩困難都會一齊解決，就連我嘅facebook page佢都係admin，可以睇所有人send嘅message。」除了要坦誠同公平之外，有一樣就係要肯遷就對方，「有時候肯就下佢，佢都好欣賞。好似我男友唔中意我裝snapchat玩，因為有好多人都話呢嗰apps會用來偷情，或者結識其他異性。我本身用開都即刻唔玩，但佢唔鍾意，我都可以唔用嘅。」最後馮盈盈重申一次現時佢同男友都好信任大家，「反而現在工作忙，無時間諗呢啲。」