東張西望｜「東張女神」勁有同情心　出手安慰傷心家屬被大讚

TVB節目《東張西望》今日（6日）一集講到昨日（5日）於土瓜環東南工廠大廈的一宗工業意外，一名工人從高處墮下，最後傷重不治。有目擊者聯絡節目組，講述意外發生的經過。

陳先生表示當時情況恐怖，死者被救出時已經昏迷不醒：「成頭都係血，頭破血流，咁隻手就見到啲骨，骨折撐咗出嚟，其實都真係幾恐怖。」

死者太太（林太）與家屬今日亦有到現場進行路祭，林太哭成淚人。林太表示對死者無法接受現實：「好好，好顧家，佢除咗返工，佢都會返屋企，同埋放假佢都會陪我哋。返屋企嘅時候見到嘢會諗住佢…」林太聲淚俱下，「東張女神」廖倬竩立即伸出「安慰之手」，輕拍林太加以安慰。

之後一幕林太已經難過到不能說下去，廖倬竩立即抱著林太說：「sorry」，更輕拍她背部，希望可以安慰她的情緒。廖倬竩安慰完林太後，可以見到廖倬竩亦有點想哭的樣子，但她忍着未有落淚，相當專業。網民亦大讚廖倬竩超有同情心，因為她已經不是第一次，之前遇過其他事件她都有安慰事主。