梁浩賢自爆理想婚期 講明開騷冇求婚環節：費事騎劫咗個演唱會
撰文：張祖銘
出版：更新：
顏米羔、劉威煌、梁浩賢和甘永傑今日（6日）出席《ZONE D FUNtas4ic 音樂會》發佈會，這次音樂會將於11月16日(星期六) 在旺角麥花臣場館舉行。甘永傑接受訪問表示：「我好緊張又興奮，好緊張表演好唔好睇？觀眾會唔會投入？」梁浩賢透露等了23年終於有機會開騷，並表示：「雖然我哋係四個人去表演，但係有一個環節係我自己，我成日去睇演唱會都會諗如果自己有機會開騷，究竟係點樣會表演到自己，呢一次嘅單元我會濃縮點樣去表達自己，講晒我做歌手嘅感受。」
甘永傑分享：「演出嘅時候我會去表達我由細個點樣去追夢嘅心路歷程，台下應該好多人都會有共鳴。」梁浩賢被問到今年是否會與女朋友結婚，他表示：「上次開直播有講呢件事，我有計劃嘅但係唔係今年，我有好消息就會同大家講。」他透露希望下年結婚，並表示：「都會諗住俾啲驚喜對方。」被問到會否在演唱會期間順便求婚，他坦言：「今次唔會啦，費事騎劫咗個演唱會。」甘永傑笑說：「唔緊要㗎！我將我唱嗰個環節俾埋你。」