CASH頒獎禮｜尹光殺入男歌手獎最後5強：好坦白我係冇乜信心

「第22屆CASH金帆音樂獎」頒獎禮，昨晚（5/11）假灣仔會展舉行。今年80歲的鬼馬歌王尹光（光B)主唱的歌曲《Dear Myself》分別有份角逐「CASH最佳歌曲大獎」、「最佳旋律」、「最佳歌詞」和「最佳編曲」獎項，而他個人亦入圍「最佳男歌手演繹」殺入最後5強，與林家謙、張敬軒、吳林峰和馮允謙爭高下。

對於有5個提名，光B接受《香港01》訪問時表示：「好開心有5個提名，之前係未試過。如果你問我有冇信心，好坦白我係冇乜信心，因為對手太多強，其中有幾個都好強。當中知道有軒公（張敬軒），林家謙，淨係呢兩個就已經唔使問。（前一晚打俾軒公求讓路！）哈哈，呢樣嘢冇得讓路，因為係人哋選出嚟，就算佢話讓都唔得㗎，記得上一次喺《叱咤頒獎禮》軒公就攞咗冠軍，佢真係客氣話，多謝光B讓俾我。我就同佢講，軒公你千祈唔好咁講，你係實至名歸。」