62歲林韋辰下半身劇痛無法落床 舊病復發癱坐車上無法動彈
撰文：洪曉璇
出版：更新：
曾有亞視一哥之稱，在TVB亦拍過不少劇集，現年62歲的林韋辰，2021年約滿無綫（TVB）後北上發展，近日拍片自爆舊病復發卧床幾近郁唔到，令人擔心。
林韋辰日前在抖音上載影片，指舊患係以前拍戲時積落，過去一個多月嚴重時連路都行唔到，入院、針灸、復位樣樣齊，慨嘆「原來一個行路、咁與生俱來嘅動作，佢要攞走你就攞走你，你係動彈不得。所以健康真係太重要。要珍惜健康、珍惜在乎你嘅人。」
因脊柱第4及第5節壓迫到椎間盤，繼而壓住坐骨神經，導致林韋辰整條左腿十分疼痛，更要靠助行架走路。他又上載另一條在車內的照片，躺在車內座椅上腰部綁有腰封固定，只能郁動手部：「前幾日勉勉強強可以啦，但呢幾日個腳眼神經又開始痛啦，痛到去後腳跟嗰個位，咁而家要出去搵醫師再做復位，咁呀，希望今次係最後一次見佢啦。」病情復發逾40日後，近幾日林韋辰的新片終可以坐在椅上拍攝，精神不錯，似乎已逐漸康復。
點擊睇林韋辰今年7月62歲生日派對片段：
+5