愛回家｜莊易羚操一口流利韓語備受讚賞：搵細妹莊錠欣幫手
撰文：吳子生
出版：更新：
莊易羚昨晚（28/10）現身尖沙咀出席無綫台慶劇《黑色月光》首播宴。提到她加入無綫短短2年時間火速上位，先後接拍多部劇集，而且最近在處境喜劇《愛·回家之開心速遞》中飾演專業色彩鑑定師大晒演技，操得一口流利韓語，備受網民讚賞。
莊易羚接受《香港01》訪問時表示：「因為呢個角色嘅關係，係要用到好專業嘅名詞，加上劇本本身係冇寫，於是我就搵咗我細妹莊錠欣幫手，叫佢教我講韓語，雖然最近佢好忙，準備11月3日台灣首個個人演唱會，但佢都仲特登幫我寫對白，仲好嚴謹咁教我講韓語，教嘅過程，每一粒發音佢都會捉得好緊。到拍嗰日，大家都覺我講得好似韓國人，其實背後我係用咗好多心機去成就呢件事。咁所以我一定要好好報答我細妹，一定要請佢食宵夜。」