洪嘉豪認澳門演唱會有不足 33歲牛一做好仔多陪媽媽

洪嘉豪今日現身「香港網球公開賽2024」，向來踢波嘅佢，坦言甚少接觸網球，不過見佢落場時都有板有眼，真係如佢所講「球類都叻叻哋」。

提到日前903足球賽，洪嘉豪表示雖然大家不時話約踢波，但從未成事，而Jer嘅表現更喜出望外，完全匹配「風之子」稱號。

而昨日（26日）牛一嘅嘉豪，選擇同屋企人一齊食大閘蟹慶祝。「最近同媽咪傾多咗，發現好多一直無留意佢嘅事情，所以趁大節日陪佢食啲佢想食嘅嘢。」他自覺未夠好仔，所以想多啲時間陪媽咪。「家用方面好耐之前已經係非常孝子，再加可能會畀人查。」

另外，提到早前澳門演唱會被「街客」抱怨掛住同粉絲自拍，嘉豪表示完騷當下，身邊所有人都讚好。「我都以為做得好好，但第日睇到網上評論時，先發現會唔會忽略咗某啲觀眾，再反思時、確係有兩隻歌要好正經咁唱，但當下有少少興奮，因為前排觀眾好熱情，同埋我甚少演出時同觀眾有近距離接觸，不過反思過後呢個真係再改進，希望下次全面啲。」