伍允龍首拍賀歲片唔敢劇透怕被打　成立工作室盼與吳建豪合作

伍允龍日前才捧場《焚城》，昨晚（25日）又現身《破．地獄》優先場，有份拍賀歲電影嘅佢，仲有時間支持香港電影業？他解釋是因為仲未到自己嘅拍戲部分，問到能否劇透，他笑說：「唔敢，我會俾人打，但今次文戲多。」

早前好兄弟吳建豪來港，伍允龍即搵林峯、吳卓羲聚會：「以前佢嚟香港都會住我屋企，但近年少咗嚟，所以今次佢嚟我都搵埋林峯，佢哋之前一齊內地拍節目，再叫埋吳卓羲出嚟，大家都好開心。」伍允龍又謂如今有自己工作室，希望可以搵埋吳建豪、安志杰一齊合作，而確實亦有電影在商討，但成事的話，他笑言一定唔會有「友情價」。

日前他在限動中，表示期待有幾多「王九」喺萬聖節出現，伍允龍笑言「王九」妝起碼要兩個小時，所以唔考慮再試，但心思思想cosplay 《星際戰士》。