陳曉華力讚MIRROR兩子唔怕朱敏瀚呷醋　主動講婚事唔通有暗示？

陳曉華與郭柏妍今早（23/10）一齊出席護膚品牌活動，同場仲有MIRROR成員李駿傑（Jeremy）及邱士縉（Stanley），陳曉華表示完全感受到鏡粉威力，又指Jeremy與Stanley在台上說話時，不忘與台下Fans有互動，實在值得自己學習， 之後又繼續大讚Stanley弗爆身形。如此高度讚賞，問到怕唔怕「了解中」嘅朱敏瀚呷醋？她即傻笑表示：「我覺得好嘅榜樣係值得學習，我哋要喺身邊嘅人搵好嘅嘢學習下啦，咁先會進步！哈哈哈哈哈！」問到是否有愛情滋潤，連護膚品都可以唔使用咁多，陳曉華即時扮傻，同郭柏妍力Sell品牌。

陳曉華早前在《獎門人》中口快快認朱敏瀚是老公，她解釋是剪接效果，之後轉移話題失敗，表示仍在繼續努力了解當中，仲話：「我發現如果有朝一日我結婚，原來大家係咁戥我開心，但真係唔會結婚住，大家等下啦！如果結婚就會同大家公布！」