特勤女團｜伍仲衡首度拍劇演Mean爆評審　公開𢯎撈：做下古裝太監

著名音樂人伍仲衡近年因擔任《中年好聲音》系列評審而大受歡迎，人氣不輸一眾參賽者。早前伍仲衡在社交平台透露自己將首度拍劇，更同處境劇《愛．回家之開心速遞》的演員影大合照，惹來外界猜測他將加入《愛．回家》劇組！不過原來伍仲衡是為鍾柔美（Yumi）有份演出的TVB新劇《特勤女團》客串，劇中他將會本色出演，做一個Mean爆評審！

伍仲衡在接受TVB娛樂新聞台訪問時，笑言拍劇好好玩，但等埋位的時間就好長：「唔好以為拍劇係嚟度就即刻拍呀，係要等好耐先有得拍㗎，但喺等嘅時間呢，我就喺度觀察各位演員嘅演技，學到嘢喇。」伍仲衡更公開「𢯎撈」：「我唔使净係做音樂有關嘅嘢㗎，可以跳出comfort zone，做多啲其他唔同角色，臥底呀，甚至乎古裝，可能做下嗰啲太監呀，皇帝呀。」相當豁出去！