童星出身藝人捲官非遭TVB雪藏近兩年　趁32歲生日宣布有新發展

童星出身的林穎彤（Bella），去年與捲入JPEX案風波的緋聞男友鄭雋熹，一同被控在公眾地方行為不檢，最終擾亂罪名不成立。雖然脫罪，但卻星途大挫，有指等候審訊期間已被無綫高層召見了解事件，並即時叫停其所有工作，慘遭雪藏。而她在TVB最後一部劇集《本尊就位》在2022年11月拍完，之後便再沒有參與任何劇集拍攝，足足近兩年無工開。

林穎彤亦坦言與公司合約仍有一段日子，並有意淡出，減少幕前的工作，指自己人大了心態有所改變，想「做啲幫人嘅事」，暗示自己等緊隨時完約離巢！

今日是林穎彤的32歲生日，她在社交平台宣布有新發展，「我嘅網店出世啦，揀咗自己生日嘅日子正式推出，掌聲👏🏻，將會為大家帶嚟世界各地天然健康有效嘅產品！」她指今次是自己的心血結晶，由找會計整理商業登記、申請公司電話號碼、到銀行開商業用戶口，以及搵office和清潔打掃，全部一腳踢，認真唔容易。